سيبوني أحب

[ألحان: محمد سلطان]

Song format: ram

سيبوني أحب .. سيبوني أحب

سيبوني يا ناس .. أعيش للحب

حرام حرام حرام أحبكم تجرحوني

حرام حرام حرام أروح لكم تبعدوني

باحبكم .. واحلف لكم

وحياة ما خلا قلبي يحبكم

سيبوني أحب

سيبوني أغنـِّي واغنـِّي واغنـِّي واخلـِّي الدنيا تقول ويَّايا

ويروح الجرح وييجي الفرح ويملا الحب ليالي غنايا

مواويلي لكل الناس

وغنايا عشان الناس

ده غنايا عشانكو يا ناس

باحبكم .. واحلف لكم

وحياة ما خلا قلبي يحبكم

سيبوني أحب

يا كل كلمه ف غنوتنا

يا كل قلب ف دنيتنا

يا كل فرحه ف سكتنا

روحوا لـُه واحكوا حكايتنا

آه .. قولوا لـُه دي فرحة لقايا بيه

حتكون قمر يحضن لياليه

وينوَّر الكون للأحباب

ويقصَّر الليل ع الأغراب

مواويلي لكل الناس

وغنايا عشان الناس

ده غنايا عشانكو يا ناس

باحبكم .. واحلف لكم

وحياة ما خلا قلبي يحبكم

سيبوني أحب

قسمه ونصيب

[ألحان: منير مراد]

Song format: ram

قسمه ونصيب .. والحب رماني

سلـِّم سلام .. وبرمشه ناداني

أعمل إيه والفرح معاه

أعمل إيه ونا عمري فداه

ويا ريتني أدوب

ولا إني أتوب

ده جناين قلبي طارحه حنان

طارحه الفرحه ف كل مكان

ولمـَّا حبيبي يبقى معايا

عمري ف ليلي ماقول الآه

اللي يكمِّل المشوار

عمرُه ما يتعب ولا يحتار

يا ليلة الفرحه خديني ف مركبه فضَّه

وابعدي عنـِّي نجمايه ف السما شارده

خليني أملا الكون أفراح خليني

خليني أشوف الدنيا أمان خليني

بارمي العتاب

دُسْت العذاب

ويا ريت يا عيون

البُعد يهون

ولمـَّا حبيبي يبقى معايا

عمري ف ليلي ماقول الآه

بقول يا بكره تعالَ أوام

وهات معاك ورد وأحلام

وتملِّي باعيش

خايف ما يجيش

ونعيش ف حكاية صبر زمان

إوعى يا قلبي من الأحزان

ولمـَّا حبيبي يبقى معايا

عمري ف ليلي ماقول الآه

يا ريتك معايا

[ألحان: محمد سلطان]

Song format: ram

يا ريتك معايا يا حبيبي .. يا ريتك معايا

ويا ريتنا نكون سوا

أنا وانت والهوى

ونلفّ الدنيا ديا يا عيني

ومعانا الهوى

بيعزّ عليَّا أفرح من غير ما نكون سوا

ويا ريتنا نكون سوا

النهارده .. عمري قال لي إيه جرالي

قلت حبي .. ضاع يا عمري .. في الليالي

خوفي يا خوفي من عيون الناس

خوفي يا خوفي لا ياخدوك الناس

ياخدوك من إيدي يا خوفي

أبدًا منساك

ده حبيبي هواك

ونلفّ الدنيا ديا يا عيني

ومعانا الهوى

بيعزّ عليَّا أفرح من غير ما نكون سوا

ويا ريتنا نكون سوا

سألوني الناس قلت باحبك .. سألوني الناس

ولاموني الناس قلت باحبك .. لاموني الناس

ولا لوم بينسِّيني حبك

ولا يوم بافرح إلاّ جنبك

آه يا حبيبي آه لو جيت

لحبيبك ورجعت يا ريت

ونلفّ الدنيا ديا يا عيني

ومعانا الهوى

بيعزّ عليَّا أفرح من غير ما نكون سوا

ويا ريتنا نكون سوا

وتصادف الأيام

[ألحان: منير مراد]

Song format: ram

وتصادف الأيام .. واشوفها مَرَّه تانيه

وعنيها تقول كلام .. يا ريتك بين إيديَّا

شيء غريب يا قلبي .. ما هي كانت بين إيديَّا

إيه خلاّها تنسى .. اللي كان

شيء وراح يا قلبي يكفاني اللي بيَّا

كان زمان يا قلبي كان يسأل عليَّا

سامحتـُه على عندُه

سهَّرني في بعدُه

يا قلبي مش قدُّه

ليه يعتب عليَّا

ليه يا دنيا الغربه فيكي مش كفايه

ليه تخلـِّي فرحي يحزن في النهايه

بكـَّاني ف موالـُه

إيه غيَّر أحوالـُه

يا دنيا إيه حالـُه

الفرحه مش هِيَّا

قابلت الحب

[ألحان: محمد سلطان]

Song format: ram

وقابلتك .. قابلت الحب

وعرفتك .. عرفت الحب

يا حبيبي

خدتِني من بين الناس

خدتِني من كل الناس

بتاخدني لعنيك لبعيد .. بعيد .. بعيد عن شط الأحزان

بتاخدني لعنيك لبعيد .. بعيد .. بعيد عن بحر النسيان

قادر وحدك تفرحني

قادر وحدك تجرحني

وحدك من بين الناس

وسمعت إسمي ف شفايفك غنيوة حب

وعرفت إنك مشتاق .. مشتاق للحب

يا فرحنا اضحك ع الشفايف

ما فيناش حدّ من بكره خايف

ولا م الحب خايف

ولا م الدنيا خايف

ولا من بكره خايف

قوم نرقص سوا يا حبيبي

قوم نفرح سوا يا حبيبي

وتعالوا يا ناس

ويَّانا يا ناس

قادر وحدك تفرحني

قادر وحدك تجرحني

وحدك من بين الناس

اتمنـِّيت يوم ورا يوم

ألقاك اليوم

في العمر اللي جاي بيضحك لينا

في الفرح اللي جاي يرقص من حوالينا

باحسّ بالأمان

معاك في كل مكان

معانا حبنا

والدنيا ملكنا

ومين في الحب يا حبيبي

مين قدِّنا

ما تستغربيش

[ألحان: محمد الموجي]

(الملف الصوتي لهذه الأغنية غير متوفّر حاليًّا)

[كلمات هذه الأغنية غير متوفـِّرة حاليًّا]

تعالوا يا حبايبي

[ألحان: محمد الموجي]

(الملف الصوتي لهذه الأغنية غير متوفّر حاليًّا)

[كلمات هذه الأغنية غير متوفـِّرة حاليًّا]

ليه السؤال

[ألحان: محمد الموجي]

(الملف الصوتي لهذه الأغنية غير متوفّر حاليًّا)

[كلمات هذه الأغنية غير متوفـِّرة حاليًّا]

موَّال عربي

[ألحان: سيِّد مكاوي]

(الملف الصوتي لهذه الأغنية غير متوفّر حاليًّا)

[كلمات هذه الأغنية غير متوفـِّرة حاليًّا]