زي ما انت عايز

[ألحان: عبد العظيم محمد]

Song format: rm

زي ما انتَ عايز

زي ما انتَ عايز .. ودَّع

زي ما انتَ عايز .. وارجع

زي ما انتَ عايز

حبِّني ما تحبِّنيش

لكن ما تجرحنيش

في يوم ولا تبعنيش

وزي ما انتَ عايز

غريب انتَ ف حاجات

بتقول كتير حكايات

الحزن لـُه نهايات

والفرح لـُه جايَّات

مهما تسافر

ولاّ تهاجر

الشمس راح تطلع مكانها ف كل يوم

والقمر ييجي ف ميعادُه مع النجوم

راح يضحكوا ليَّا ليلاتي

لانتَ حتى تغيَّر حياتي

ولا فرح عُمري ف أيّ يوم

حبِّني ما تحبِّنيش

لكن ما تجرحنيش

في يوم ولا تبعنيش

زي ما انتَ عايز

بتكتب اسمي بالفرح مرَّات

وتكتب اسمي بالجرح مرَّات

وألف مرَّه .. ألف مرَّه

باصبر عليك

وأسهر عليك

وأندَه عليك

خايف عليك

من دمعَه مُرَّه .. خايف

من ذكرى مُرَّه .. خايف

من فكرَه مُرَّه .. خايف

من شكوى مُرَّه .. خايف

حبِّني ما تحبِّنيش

لكن ما تجرحنيش

في يوم ولا تبعنيش

زي ما انتَ عايز